„Lögreglan á Suðurlandi hefur haft andlát ungrar stúlku til rannsóknar frá 27. apríl síðastliðnum. Rannsókn lögreglu er umfangsmikil en miðar vel áfram og er rannsóknarvinna í fullum gangi,“ segir í yfirlýsingu frá lögreglunni á Suðurlandi sem gefin var út í dag. Í yfirlýsingunni segir jafnframt að bræðurnir, sem voru handteknir á vettvangi, hafa verið úrskurðaðir í gæsluvarðhald fram til föstudagsins 5.maí næstkomandi.
„Lögreglan hefur notið liðsinnis frá lögreglunni á Suðurnesjum, sem og tækni- og tölvurannsóknardeildum lögreglunnar á Höfuðborgarsvæðinu. Nafn hinnar látnu verður ekki gefið upp að svo stöddu.“ Rannsókn málsins er sögð á viðkvæmu stigi og gaf lögregla engar frekari upplýsingar um málið að svo stöddu.