Laugardagur 20. júlí, 2024
11.8 C
Reykjavik

Færðu skrifstofuna heim í stofu árið 2012 – Selja nú fyrirtækið á 180 milljarða

VefTv

- Auglýsing -

Hlaðvörp

- Auglýsing -

Hjónin Fanney K. Hermannsdóttir og Guðmundur Fertram Sigurjónsson seldu nýverið fyrirtæki sitt til alþjóðlegs tæknirisa fyrir tæpar 180 milljarða króna. Á tímabili neyddust þau til að flytja skrifstofur sínar heim til sín.

Þau Fanney og Fertram eru í viðtali í sunnudagsútgáfu Morgunblaðsins en þar ræða þau um sín fyrstu kynni fyrir þrjátíu árum síðan en þau eiga nú fimm börn. Þá ræða þau um hið vestfirska stórfyrirtæki Kerecis sem þau komu á laggirnar árið 2007, en á tímabili var óvíst hvort lifði af en þau gáfust ekki upp og hafa nú selt fyrirtækið fyrir um 180 milljarða króna.

Árið 2012 var erfitt ár hjá Kerecis en hjónin höfðu engan áhuga á að gefast upp. Þess í stað brugðu þau á það ráð að færa skrifstofur sínar heim í stofu, minnkuðu starfsemina til muna og unnu aukavinnu svo þau gætu borgað launakostnað annarra starfsmanna. Þessi ákvörðun borgaði sig heldur betur en nýverið keypti alþjóðlegi læknarisinn Coloplast fyrir 1,2 milljarða dala eða tæpar 180 milljarðar króna, líkt og áður hefur komið fram.

Samkvæmt Mbl.is ætla þau hjónin ekki að liggja með tærnar upp í loftið eftir söluna því Fertram ætlar sér að sanna það sem forstjóri fyrirtækisins næstu tvö árin að minnsta kosti, að salan séu bestu viðskipti sem Coloplast hefur ráðist í. Hjónin brenna einnig fyrir nýsköpun og atvinnuuppbyggingu á Vestfjörðum en þau segja að samgöngur spili þar stórt hlutverk.

„Við erum með marg­ar hug­mynd­ir. Það sem þó breyt­ist núna er að við þurf­um ekki að leita til fjár­festa til þess að hrinda þeim í fram­kvæmd,“ seg­ir Guðmund­ur Fer­tram í viðtalinu við Morgunblaðið.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -