Föstudagur 19. júlí, 2024
13.8 C
Reykjavik

Gagnrýnir Ásmund Einar harðlega: „Allavega ætla ég ekki að kjósa hann“

VefTv

- Auglýsing -

Hlaðvörp

- Auglýsing -

Landsliðsþjálfarinn Þorsteinn Halldórsson sendi Ásmundi Einar Daðasyni kaldar kveðjur eftir að Ísland sigraði Wales í gær. Kvennalandsliðið sigraði 1-2 og þýðir sigurinn það að Ísland þarf að keppa tvo umspilsleiki í Þjóðardeildinni í febrúar. Annar leikurinn á útivelli og hinn á heimavelli. Aðstæður á Laugardalsvelli eru þó slíkar að það er sennilega ómögulegt að keppa á vellinum á þessum tíma árs og verður heimaleikur Íslands líklega leikinn erlendis. Stjórnmálamenn hafa í gegnum tíðina sagt að það sé þörf á að byggja nýjan þjóðarvöll og nýja þjóðarhöll. Ásmundur Einar Daðason íþróttamálaráðherra er ekki að standa sig í stykkinu að mati Þorsteins þegar kemur að knattspyrnu.

Þegar Þorsteinn var spurður hvar Ísland myndi spila í febrúar sagði hann eftirfarandi:

„Ég veit það ekki. Það væri gaman að spyrja íþróttamálaráðherra að því en nei, hann hefur aldrei séð fótboltalandsleik,“ sagði Þorsteinn við RÚV.

„Það væri áhugavert að hitta hann og spyrja hann um þessa hluti. Hann reyndar talar alltaf bara um þjóðarhöll og hefur aldrei minnst á þjóðarleikvang í neinni ræðu, hvar sem hann kemur. Hann hefur aldrei mætt á landsleik, þannig að ég veit ekki alveg hvernig við eigum að ná í hann.“.

„Við vijum náttúrulega spila heima á Laugardalsvelli. Mér finnst bara sorglegt hvernig komið er fyrir fótboltanum á Íslandi að við séum ekki komin lengra en þetta. Íþróttamálaráðherra hefur voðalega lítið gert fyrir fótboltann hingað til og hann talar reyndar bara um þjóðarhöll. Hann hefur held ég aldrei mætt á landsleik þannig að ég held að hann geti alveg farið að skoða sinn gang. Allavega ætla ég ekki að kjósa hann,“ sagði þjálfarinn um málið við Fótbolti.net.

Þorsteinn hefur sjálfur verið gagnrýndur fyrir árangur í starfi en flestir sparkspekingar eru á því að gengi liðsins hafi verið undir væntingum og telja sumir að Þorsteinn Halldórsson, landsliðsþjálfari Íslands, sé endastöð á með liðið. Í viðtali í gær sagði Guðbjörg Gunnarsdóttir, fyrrverandi landsliðsmarkmaður Íslands, að Þorsteinn væri ekki rétti maðurinn til að þjálfa íslenska kvennalandsliðið.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -