Bragi Páll Sigurðarson skýtur fast á Iceland Noir hátíðina á X-inu (Twitter).
Rithöfundurinn beitti, Bragi Páll Sigurðarson skrifaði rétt í þessu stutta en skotfasta færslu á X (áður Twitter). Tilefnið er dauði stríðsglæpamannsins Henry Kissinger. Eins og fram hefur komið í fjölmiðlum skiptist bókmenntaheimurinn í tvennt þegar Hillary Clinton var boðið á Iceland Noir hátíðina á dögunum enda með ansi óhreint mjöl í pokahorninu en hún hefur meðal annars beitt sér opinberlega gegn vopnahléi milli ísraelska hersins og Hamas-liða. Kissinger hefur lengi verið sakaður um stríðsglæpi í eftirfarandi löndum: Víetnam, Kambódía, Laos, Bangladesh, Síle, Kýpur og Austur Timor.
Hér má lesa færslu Braga Páls, sem hann skrifaði við frétt Rolling Stone af andláti Kissinger:
„Sorglegt. Nú er úti draumurinn um að fá búktalara til þess að skrifa með honum piece of shit skáldsögu og svo geti verið heiðursgestur á næstu Iceland Noir hátíð. Til þess að við getum átt samtal í gegnum bókmenntirnar, sjáiði til.“