Fimmtudagur 18. júlí, 2024
13.1 C
Reykjavik

Lögreglan á Eskifirði verst allra frétta af leitinni að Gunnari Svan: „Ég hef bara engar fréttir“

VefTv

- Auglýsing -

Hlaðvörp

- Auglýsing -

Hlé hefur verið gert á leitinni að Gunnari Svan Björgvinssyni, að sögn upplýsingafulltrúa Landsbjargar. Segir hann að lögreglan á Austurlandi fari alfarið með stjórn á leitinni.

Gunnar Svan Björgvinsson

„Það er ekkert í gangi eins og er,“ sagði Jón Þór Víglundsson, upplýsingafulltrúi Landsbjargar í samtali við Mannlíf. Aðspurður hvort hlé hafi verið tekið á leitinni svaraði hann: „Það er lögreglan á Eskifirði, eða Austurlandi, sem að stýrir þessu og mér vitanlega er ekkert í gangi í augnablikinu.“

Síðast sást til Gunnars Svans þann 24 febrúar síðastliðinn en fréttir af hvarfinu bárust ekki fjölmiðlum fyrr en 10 dögum eftir hvarf hans. Ekki barst fjölmiðlum ljósmynd af honum né frekari upplýsingar fyrr en Mannlíf gerði frétt um dularfullt mannshvarf á Eskifirði.

Sjá einnig: Dularfullt mannshvarf á Eskifirði – Hvorki lögreglan né Landsbjörg gefa upplýsingar um málið

Mannlíf spurði Jón Þór af hverju leið svo langur tími áður en byrjað var að leita að Gunnari. „Nei, það veit ég ekki,“ svaraði Jón Þór.

Mannlíf ræddi við fulltrúa lögreglunnar á Eskifirði og spurði um gang leitarinnar. „Ég hef bara engar fréttir. Ég get ekki svarað því.“ Aðspurður hvort hægt færi að ræða við einhvern hjá lögreglunni sem gæti gefið frekari upplýsingar sagði fulltrúinn ekki svo vera en tók niður símanúmer blaðamannsins og sagði að hringt yrði í hann ef eitthvað verður að frétta.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -