- Auglýsing -
Lögregla var kölluð til í gærkvöldi eftir að ökumaður velti bifreið í Árbæ. Sem betur fer slasaðist enginn alvarlega en samkvæmt dagbók lögreglu sagðist ökumaður hafa misst stjórn á bifreiðinni vegna hálku. Síðar um kvöldið sinnti lögregla öðru útkalli vegna áreksturs þar sem tveir bílar skullu saman. Annar bíllinn var óökufær og þurfti að fjarlægja með dráttarbifreið. Engin slys urðu á fólki.
Þá sinnti lögregla einnig reglubundnu umferðareftirliti og stöðvaði alls fimm ökumenn fyrir að nota farsíma undir stýri. Einn karlmaður var kærður fyrir vopnalagabrot eftir að hnífur fannst í fórum hana við leit. Í Hafnarfirði var lögregla að lokum kölluð út vegna elds sem logaði í húsi. Enginn slasaðist en fasteign varð fyrir tjóni.