Órólegir íbúar í Grindavík – Þessa skjálfta vaknaðir þú við í nótt

Skjálfti að stærðinni 4,2 varð rétt vestur af Bláa lóninu á Reykjanesskaga klukkan 3:51 í nótt. Skjálftinn fannst vel á höfuðborgarsvæðinu en sjö skjálftar, stærri en 3 að stærð, hafa mælst frá því á miðnætti. Undir morgun eða klukkan 4:25 mældis skjálfti að stærðinni 3,7 við Lágafell og annar rétt rúmum fimm mínútum síðar að stærðinni 3,5.

Ríkislögreglustjóri hefur lýst yfir óvissustigi Almannavarna vegna skjálftahrinunnar sem hefur verið á svæðinu síðustu daga. Ekkert bendir til gosóróa þegar fréttin er skrifuð en kvikuhlaupið er talið vera á rúmlega fjögurra kílómetra dýpi.