Fimmtudagur 28. mars, 2024
-4.2 C
Reykjavik

Sólborg vill kynfræðslu í 1. bekk: „Galið að ekki sé meira gert í að fyrirbyggja ofbeldi“

VefTv

- Auglýsing -

Hlaðvörp

- Auglýsing -

Sólborg Guðbrandsdóttir er aktívisti sem er þekkt undir listamannanafninu Suncity, segir fólk ekki alltaf átta sig á því hvað felst í kynfræðslu; tengi það aðeins við kynferðislegar langanir og athafnir: En hún leggur til að fræðslan fari fram á öllum skólastigum – telur það ráðlegt að börn fái kynfræðslu snemma í skólakerfinu.

Sólborg mætti hress og kát í hlaðvarpsþáttinn Jákastið hjá Kristjáni Hafþórssyni þar sem hún ræddi til dæmis um Eurovision-ævintýrin sem hún tók þátt í; fyrst 2018 og aftur í ár með laginu Hækkum í botn.

MYND: SKJÁSKOT/INSTAGRAM

Þótt Sólborg sé á fullu við að efla tónlistarferil sinn er hún einnig virkur aktívisti; hélt úti miðlinum Fávitar í nokkur ár: Út frá honum hafa sprottið bæði bækur og sjónvarpsþættir.

Sólborg hefur flutt fyrirlestra víða um land og tekið þátt í vitundarvakningu í samskipum kynjanna.

Hún vill efla kynfræðslu á öllum skólastigum; hefur leitt starfshóp innan menntamálaráðneytisins; sá hópur skilaði inn skýrslu með tillögum um úrbætur á kynfræðslu í skólakerfinu:

Sólborg segir að „það hefðu mjög margir gott af því að umræðan væri meira opinská heldur hún hefur verið; það eru margir sem upplifa sig einan í heiminum með þetta vandamál, eða þessar pælingar eða hugsanir.“

- Auglýsing -

Bætir við:

„Við þurfum að vera hugrakkari að spyrja þegar við vitum ekki í staðinn fyrir að gera ráð fyrir allskonar. Við viljum bara að það sé kynfræðsla hérna á öllum skólastigum á hverju einasta ári frá því að þau byrja í fyrsta bekk, og þar til þau útskrifast úr framhaldsskóla.“

Sólborg starfaði með Áttunni. Tók þátt í undankeppni söngvakeppni sjónvarpsins og hélt lengi úti opnum Snapchat reikning í dágóðan tíma þar sem hún rakaði meðal annars allt hárið af sér fyrir góðgerðarstarf.

Og segir að „kynfræðsla er ekki að koma og segja að við erum hérna komin að kenna munnmök; kynfræðsla er að kenna þeim á líkamann sinn; heiti yfir líkamsparta og að kenna þeim samþykki. Og Þú þarft ekki að knúsa bekkjarsystur þína ef þú vilt það ekki.“

- Auglýsing -

Sólborg er á því að slík fræðsla myndi til dæmis fækka fækka kynsjúkdómasmitum, fækka ótímabærum þungunumofbeldismálum og myndi án efa bæta líðan ungmenna:

„Ímyndaðu þér hvernig fólk við værum að útskrifa úr framhaldsskóla sem hefði fengið endalausar upplýsingar um heilbrigð samskipti; mörk og fjölbreytileika. Og þá getur klám gefið ungu fólki ranga mynd af kynlífi,“ segir Sólborg og bætir þessu við:

„Það galið að ekki sé meira gert í því að fyrirbyggja ofbeldi og sporna gegn því, í stað þess að einblína á hvað eigi að gera eftir að það eigi sér stað. Ungir strákar eru oft að verða gerendur án þess að átta sig á því, af því að þeir læra eitthvað í kláminu sem þeir halda að sé kynlíf, en er ekkert annað en ofbeldi.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -