Mánudagur 18. mars, 2024
1.8 C
Reykjavik

Stjörnu-Sævar sýndi klærnar og pakkaði saman Sjálfstæðismanni

VefTv

- Auglýsing -

Hlaðvörp

- Auglýsing -

Jónas Sigurgeirsson reyndi fyrr í kvöld á Twitter að gera lítið úr hlýnun jarðar með því að þykjast hafa áhyggjur af mengunni af nýju eldgosi. Jónas er fyrrverandi upplýsingafulltrúi Kaupþings og nú bókaútgefandi Almenna bókafélagsins, félags með sterkt tengsl við Sjálfstæðisflokkinn. Jónas hefur gefið út bækur á Íslandi eftir höfunda eins og Hannes Hólmstein Gissurarson, Ayn Rand og Jordan Peterson.

Jónas skrifar: „Er ég eini umhverfisverndarsinninn sem er með böggum hildar yfir menguninni sem nýja eldgosið mun spúa yfir landið og jörðina okkar? Og það kannski meira eða minna næstu 200 árin. Skiptir þá einhverju máli hvað hver og einn gerir í umhverfismálum? Það er bara sandkorn í eyðimörk!“

Sævar Helgi Bragason, gjarnan kallaður Stjörnu-Sævar, svarar þessu lið fyrir lið og virðist lítið skemmt yfir hótfyndni Jónasar. „Áhyggjur þínar eru fullkomlega óþarfar. Mannkynið losar árlega 100 sinnum meira af CO2 en öll eldfjöll heims, gjósandi og dormandi. Mannkynið er þrjá daga að jafna árlega losun allra eldfjalla á Jörðinni. Það skiptir öllu máli hvað við gerum í umhverfismálum.“

Sævar segir enn fremur þurfa fimm þúsund gos á sama tíma til að nálgast mengun manna. „Með öðrum orðum. Segjum að gosið í Merardal losi 20 þúsund tonn af CO2 á dag. Til samanburðar losar mannkynið ríflega 100 milljónir tonna á dag. Til að jafna okkur þyrfti þá 5000 Merardalsgos að standa yfir þessa stundina. Svo já, eldgos eiga ekki séns í okkur.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -