Fimmtudagur 18. júlí, 2024
13.1 C
Reykjavik

Sveinn Andri hjólar í Brynjar: „Sterk vísbending um biturð á lokastigi“

VefTv

- Auglýsing -

Hlaðvörp

- Auglýsing -

„Þessi texti ber nú ekki merki um mikla stórmennsku þess sem ritar; eiginlega frekar sterk vísbending um biturð á lokastigi,“ ritar Sveinn Andri Sveinsson við nýja færslu Brynjars  Níelssonar. Í færslu Brynjars talar hann venju samkvæmt undir rós en um hvern ræðir virðist ekki vefjast fyrir Sveini Andra.

Brynjar svarar athugasemd Sveins Andra: „Nú, tókstu þetta til þín?“

„Nei, af hverju ætti ég að vera að því? Farðu nú að leggja þessar ritsmíðar þínar á hilluna; þær eru vandræðalega ófyndnar. Sérstaklega þessi þreytti brandari um Soffíu frænku,“ svarar Sveinn Andri sem virðist ekki skemmt.

„Þetta er ekki brandari um Soffíu, Sveinn minn. Hún er bara fabríkeruð og notuð til að gera grín að ykkur góða og réttsýna fólkinu. En ég veit að ég næ aldrei að verða jafnfyndinn og þú. Held að ekki nokkur maður nái því,“ útskýrir Brynjar fyrir Sveini.

Því næst skrifar Sveinn Andri: „Ég er að reyna að gefa þér gott ráð. Þessir pistlar þínir eru kjánalega ófyndnir og þessi ólund og öfund í garð ónefnds manns sem birtist í þessum pistli þínum er þér til minnkunar. Það skín í gegn að þú ert gríðarlega bitur út af 17-0. Get over it.“

Sveinn Andri tekur upp hanskann fyrir starfsbróður sinn Vilhjálm Vilhjálmsson og gerir því skóna að Brynjar sé enn bitur út í Vilhjálm eftir að hafa kært skipan Arnfríðar Einarsdóttur, eiginkonu Brynjars, í embætti héraðsdómara. Vilhjálmur vann málið og var niðurstaða Mannréttindadómstólsins í Evrópu sú skipan dómaranna hafi brotið gegn ákvæðum mannréttindasáttmála Evrópu. Dómurinn var afgerandi en allir 17 dómarar málsins voru honum sammála.

- Auglýsing -

Brynjar virðist ekki átta sig á hvað Sveinn Andri er að meina í athugasemd sinni: „Ég er nú örugglega ekki eini ófyndni maðurinn á fésbókinni og það á enginn kröfu á að ég sé fyndinn. En ég er alveg laus við öfund og biturð, en viðurkenni ólund á köflum. Ég veit ekkert hvað þetta 17-0 er en ég er enn svekktur yfir 14-2.“

Sveinn Andri útskýrir nánar til hvers hann vísar sem Brynjar svarar: „Já, þú meinar. Ólundin yfir þeirri vitleysu er ekki meiri og svo að ég vissi ekki hvað þetta var. Margir vitlausir dómar komið þaðan og þessi truflar mig ekki mikið. En ég er farinn að halda að þú skiljir illa hugtökin ólund og biturð ef þú hefur meiri áhyggjur af mér en þér.“

„Þú veizt og vissir alveg til hvers var verið að skírskota. Það sézt á þínum skrifum að þú ert ekki búinn að jafna þig á hárréttum dómi MDE í því máli; biturð þín og óvild í garð lögmannsins sem lagði Sjálfstæðisflokkinn þar frussast hér út úr þér,“ svarar Sveinn Andri.

- Auglýsing -

Brynjar virðist vilja ná nánara tali af Sveini Andra og færa kítinginn annað: „Þetta hefur ekkert með dóm MDE að gera. Annað hvort ertu flón eða þú þekkir ekki málavexti. Skal útskýra það fyrir þér í skilaboðum.“

Sveinn Andri svarar áfram á opinberum vettvangi og svarar Brynjari: „Þetta hefur allt með það að gera. Þó að upp úr hafi soðið á þorrablóti vita allir um óvild þína í garð viðkomandi. Eins og ég segi, reyndu að komast yfir þetta einu sinni. Erfitt að lifa með svona þráhyggju.“

Ekki liggur fyrir hvort þeir félagar hafi fært samtalið yfir í einkaskilaboð en Brynjar skrifar síðar undir færsluna:

„… en ég skil ekki hvernig MDE eða mannréttindi koma þessari færslu við. Færslan er mannlýsing á þekktum týpum, eiginlega Freka karlinum sem verður sér til skammar á mannfögnuðum.“

Líf og fjör var á þorrabóti Garðbæinga sem haldin var um síðustu helgi, ef  marka  má frásagnir gesta og fjölmiðla. Umrædda færslu birti Brynjar á Fésbókarsíðu sinni í gærkveldi sem náð hefur töluverðum lestri. Færsluna má sjá hér í heild:

Sjá nánar:

Vilhjálmur æpti á soninn

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -