- Auglýsing -
Enn bætist við þá Íslendinga sem hafa tilkynnt forsetaframboð en Tómas Logi Hallgrímsson hefur gefið það út að hann muni bjóða sig fram.
Tómas tilkynnti þetta á samfélagsmiðlinum Facebook seint í gær. Hann segist hafa ákveðið að bjóða sig eftir mikla ígrundun og fjölda áskorana. Þá segist hann á framboðssíðu sinni vera „venjulegur eiginmaður og pabbi,“ en hann er 37 ára gamall og hefur verið einn af kyndilberum björgunarsveita á Íslandi undanfarin ár.
Hægt er að lesa yfirlýsingu Tómasar hér fyrir neðan:
„Kæru landsmenn,
Eftir mikla ígrundun og fjölda áskoranna úr ýmsum áttum síðustu daga hef ég tekið þá ákvörðun að gefa kost á mér til embættis forseta Íslands. Það verður að segjast að ég átti alls ekki von á svona miklum stuðningi frá fólkinu í kringum mig, fjölskyldu, vinum og kunningjum. Nú mun fara í hönd áætlanavinna um það sem framundan er og þigg ég alla þá aðstoð sem mér býðst í hvaða formi sem það er.
Með kærri kveðju:
Tómas Logi Hallgrímsson“