Miðvikudagur 29. júní, 2022
14.8 C
Reykjavik

Jóhann þjáist af gríðarlegum sársauka eftir bólusetningu með AstraZeneca – „Vil sækja rétt minn“

Helgarviðtalið

- Auglýsing -

Orðrómur

- Auglýsing -

„Ég geng með staf eftir að hafa fengið mikla heilablæðingu í nóvember 2017. Fyrir utan að nota staf, var ég búinn að ná mér nokkuð vel. Þegar að ég fékk sprautuna, fann ég ekkert fyrir stungunni og hélt bara út í bíl. Tveimur tímum síðar byrjaði ég að fá taugaverki í andlitið, fyrst vinstra megin sem er mín veika/skaddaða hlið en síðan um allt andlitið. Mjög sérstakt,“ segir Jóhann Waage, 45 ára fjölskyldumaður og grafískur hönnuður.

Saga hans birtist á bloggsíðu Þórdísar Bjarkar Sigurþórsdóttur.

Eins og glóandi fleinar

Jóhann er einn þeirra sem glímir við alvarleg eftirköst bólusetninga með AstraZeneca og vill að einhver svari fyrir það hvers vegna fólk með undirliggjandi sjúkdóma var gefið það bóluefni frekar en önnur. Hann fór í AstraZeneca bólusetningu 6. maí síðastliðinn. „Ég var alveg vanur taugaverkjum en verkina hafði ég haft aðeins í höndum og fótum eftir heilablæðinguna en var farinn að vinna með þá og lifa með þeim og fjölskyldan algjörlega hætt að taka eftir því að þetta væri að angra mig.“

Jóhann segi eftir sprautuna hafi hann verið búinn að vera frekar slappur og fullur af sleni. Ég fór að sofa en vaknaði um tvö leytið við gríðarlegan sársauka í geirvörtum og endaþarmi, það var eins og verið væri að reka tvo glóandi fleina upp í endaþarminn á mér og gefa mér raflost í leiðinni og það sama með geirvörturnar. Alla nóttina emjaði ég af sársauka og daginn eftir jókst þetta og hljóp í nárann á mér og punginn. Ég svaf mest lítið aðfaranótt laugardags en ákvað að fara í sund í góða veðrinu með börnin og athuga hvort vatnið myndi hjálpa mér eitthvað. Ég hitti vin minn og fór aðeins í heita pottinn til að spjalla en þegar ég fór upp úr pottinum steinleið yfir mig og ég lá kylliflatur og vissi ekki af mér fyrr en að margmenni stumraði yfir mér. Ég hafði samband við Covid.is og þau fullvissuðu mig um að þetta myndi ganga yfir á tveimur vikum.“

Verkir og taugakláði um allan líkama

- Auglýsing -

Hann segir að undanfarnir tveir mánuðir hafi einkennst af stanslausu taugastríði upp á hvern einasta dag, hann nái engri hvíld og læknari geta ekkert gert nema ávísað nýjum og nýjum lyfjum sem hafi lítið sem ekkert gagn gert nema að taka allra allra versta broddinn af verkjunum í smá tíma. „Verkirnir hafa hlaupið um allan líkama, frá fótum og höndum, í miðbúkinn, í andlitið, í brjóstin, í endaþarminn, í pung og eistu, í kynfærin, í munn og tungu og í augu og meira að segja í hárið á mér og svo er ég með stöðugan taugakláða. Þetta hefur áhrif á geðslagið og hefur mikil áhrif á fjölskyldulífið og vinnuna, en ég reyni að vinna 50% starf.“

„Ný og ný lyf gera ekkert gagn“

Um miðjan júní fór Jóhann á bráðamóttökuna eftir að hann þoldi ekki meira og eftir klukkutíma þinghald komu læknarnir þar og sögðu honum að þeir gætu ekki meðhöndlað hann því einkennin væru of sértæk og sendu hann upp á taugadeild. vÞar beið ég í tvo tíma áður en taugalæknir kom og sinnti mér. Sú sagðist helst vilja leggja mig inn en sagðist ekki geta það því það væru engin laus rúm. Hún tók mig inn á skrifstofu til sín og fór yfir lyfjagjöfina mína og bætti um betur og sagði þetta vera það eina sem hún gæti gert. Hún sagði einnig að það væri nokkur fjöldi fólks með undirliggjandi taugasjúkdóma sem hefði komið upp á síðkastið vegna eftirkasta af Astra Zeneca, þar sem það virtist sem svo bóluefnið réðist á taugakerfi sjúklinganna og hún harðbannaði mér að fara í sprautu númer tvö af Astra.“

Vil sækja rétt sinn

- Auglýsing -

„Í gær 13. júlí ákvað ég að nýta þann kost að fara í Pfizer í staðinn. Ég tek það fram að ég var mjög opinn fyrir bólusetningum þar til núna og vil að einhver svari fyrir það hvers vegna veikum einstaklingum var gefið AstraZeneca umfram önnur bóluefni. Ef einhverjir ætla að sækja rétt sinn, þá vil ég vera þar á meðal því þessi bólusetning hefur leitt til þess að heilsu minni hefur hrakað mjög mikið og lífskjör versnað,“ segir Jóhann.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -