Talsverður eldur kviknaði í þaki verslunarmiðstövarinnar Kringlunnar nú áðan; er allt tiltækt lið slökkviliðsins á höfuðborgarsvæðinu komið á staðinn til að reyna að ráða niðurlögum eldsins.
Segir vaktstjóri hjá slökkviliðinu að eldurinn hafi kviknað er iðnaðarmenn voru að störfum á þaki Kringlunnar; voru þeir að bræða pappa.
Eldurinn brennur á þaki verslunarmiðstöðstöðvarinnar; á þeirri hlið er snýr að Hvassaleiti.
Ekki hafa orðið meiðsl á fólki samkvæmt slökkviliðinu.
Hér er um að ræða talsvert mikinn eld – að sögn vaktstjóra slökkviliðsins; nánast ómögulegt er að segja til um hvenær hægt verður að ráða niðurlögum eldsins, en slökkviliðið er á því að eldurinn sé að færa sig úr burstinni – þar sem hann kom upp – og niður í flata þaksins sem er þar fyrir neðan.
Lögregla hefur stækkað lokunarsvæði við Kringluna.