„Eins og ég vissi var ég ekki velkomin“ sagði Guðbrandur Torfason, hjá GR verk, þegar hann heimsótti Krumma sem hafði gert sér laup í einum byggingakrananum við byggingasvæðið á nýja Landspítalanum. Guðbrandur gerði sér lítið fyrir og fór upp og myndaði hreiðrið sem í voru sex egg.
Flestir hrafnar kjósa að gera sér hreiður, laupa, í skóglendi, fjöllum eða við strendur. En þó eru undantekningar á því. Það urðu smiðirnar hjá GR verk sannarlega varir við þegar þeir tóku eftir því að hrafnapar hafði gert sér laup í einum byggingakrananum.
Hrafninn er staðfugl á Íslandi og jafnframt stærstur allra spörfugla.
Margar frásagnir eru til af hröfnum og fjöldi af vísum. Það er sagt að hrafnar haldi hrafnaþing tvisvar á ári, vor og haust, og að þeir semji sín á milli á vorþingum hvort þeir skuli vera óþekkir eða þægir.
Krummi er sagður bæði stríðinn og hrekkjóttur og talið er að flug hrafna boðið annað hvort feigð eða fararheill, eftir því í hvaða átt þeir fljúga.