- Auglýsing -
Lindaskóli í Kópavogi vann Skólahreysti í ár með 43 stig, og vann keppnina þar með annað árið í röð. Úrslitakeppnin fór fram í Laugardalshöll í gær og var æsispennandi.
Heiðarskóli í Reykjanesbæ var í öðru sæti í ár með 37 stig og Árbæjarskóli í þriðja sæti með 33 stig. Íslandsmet Hjálmars Óla Jóhannessonar úr Egilsstaðaskóla frá 2016, 61 upphífing, var slegið af Ara Tómasi Hjálmarssyni sem gerði 67 upphífingar.
Sigurlið Lindaskóla skipa Lúkas Magni Magnason og Sara Bjarkadóttir (hraðaþraut), Alexander Broddi Sigvaldason (upphífingar og dýfur) og Selma Bjarkadóttir (armbeygjur og hreystigreip).
Í úrslitum í ár kepptu einnig Lundarskóli, Flóaskóli, Varmahlíðarskóli og grunnskólar Hellu og Húnaþings vestra.