Fimmtudagur 11. júlí, 2024
11.1 C
Reykjavik

Skólakrakkar líklega sprautaðir þegar skólar byrja

VefTv

- Auglýsing -

Hlaðvörp

- Auglýsing -

Óskar Reykdalsson, læknir og forstjóri Heilsugæslu höfuðborgarsvæðsins, segir að skólahjúkrunarfræðingar skoði nú þann möguleika að bólusetja grunnskólabörn gegn kórónaveirunni. Krakkarnir gætu mögulega fengið sprautuna þegar skólastarf hefst í haust.

„Ég hef áhyggjur ef sjúkdómurinn heldur áfram að breiðast út af sama hraða og verið hefur síðustu daga. Slíkt eykur líkur á stökkbreytingu veirunnar. Hvað varðar börnin þá gætu bólusetningar hafist til dæmis þegar starf grunnskóla hefst aftur eftir sumarleyfi, eins og skólahjúkrunarfræðingar skoða nú,“ sagði Óskar í samtali við Morgunblaðið.

Bóluefnin Pfizer og Moderna eru samþykkt af Lyfjastofnun Evrópu (EMA) fyrir börn 12 ára og eldri. Grunnskólabörn í Þýskalandi geta nú fengið sprautu og Þórólfur Guðnason sóttvarnarlæknir hefur áður sagt að hér á landi muni bóluefni standa til boða 12 til 18 ára börnum.

Óskar er því sammála. „Ef rannsóknir staðfesta að bólusetningar gagnist börnum eigum við að fara þá leið. Yngra fólk svarar bólusetningum yfirleitt vel og veikist sjaldan af Covid – og þá yfirleitt vægt. Áherslan hefur því beinst að eldri og viðkvæmari hópum. Og sprauturnar virka, rannsóknir í Bandaríkjunum sýna að þeir sem látast af völdum veirunnar eru í 99,99% tilvika óbólusettir,“ segir Óskar.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -