Niðurstaða netkönnunar Mannlífs sýnir skýran vilja, þátttakenda, að fá nýjan leiðtoga fyrir Sjálfstæðisflokkinn. Af þremur mögulegum formannsefnum fékk Guðlaugur Þór Þórðarson umhverfisráðherra yfirburðastuðning með tæp 60 prósent atkvæða. Núverandi formaður flokksins, Bjarni Benediktsson, fékk rétt rúm 20 prósent. Þórdís Kolbrún Reykfjörð Gylfadóttir varaformaður Sjálfstæðisflokksins, hlaut einnig með 20 prósent. Ekki reyndist marktækur munur á milli núverandi formanns og varaformanns flokksins.
Guðlaugur Þór hefur að undanförnu undirbúið framboð sitt til formanns Sjálfstæðisflokksins sem fram fer á landsfundi dagana 4.-5. nóvember. Stuðningsmenn hans hafa unnið hörðum höndum að því að tryggja að þeir sem veljast sem landsfundarfulltrúar komi úr stuðningsmannahópi Guðlaugs. Þeir telja sig eiga vísan stuðning 90 prósenta þeirra sem koma úr Reykjavík.
Athugið að um er að ræða netkönnun þar sem þátttaka veltur á vilja lesenda til að greiða atkvæði.
Skoðanakönnun Mannlífs: Hvern myndir þú kjósa sem formann Sjálfstæðisflokksins?