Stýrivextir vooru hækkaðir enn meira í morgun. Hækkunin er kjaftshögg fyrir þá sem skulda.
Peningastefnunefnd Seðlabanka Íslands hækkaði stýrivexti í morgun um 1,25 prósentustig; því verða meginvextir bankans 8,75 prósent; Þessmá geta að þetta er í þrettánda sinn í röð sem Seðlabankinn hækkar stýrivexti.
Þetta kemur fram í yfirlýsingu peningastefnunefndar Seðlabanka Íslands.
Síðasta hækkun stýrivaxta var í mars; þá var ákveðið var að hækka vexti um eitt prósent, því er um meiri hækkun að ræða í þetta sinn; einnig hefur nefndin ákveðið að hækka fasta bindiskyldu innlánsstofnana úr 1 prósent í 2 prósent.
Í áðurnefndri yfirlýsingu segir að efnahagsumsvif hafi verið öflug það sem af er þessu ári og ný þjóhagsspá seðlabankans spáir 4,8% hagvexti á árinu í stað 2,6 prósentum í febrúar.
Einnig segir í yfirlýsingunni að meiri líkur en minni séu á að verðbólgan reynist þrálát; undirliggjandi verðbólga haldi líklega áfram að aukast; miklar verðhækkanir mælist í sífellt stærri hluta neyslukörfunnar.
Ásgeir Jónsson seðlabankastjóri hefur áður sagt vaxtahækkanirnar nauðsynlegar til að slá á verðbólgu; Þrátt fyrir síðustu tólf hækkanir hefur það ekki gengið vel að vinna bug á verðbólgunni.