Orðrómur
Eftir nokkurra mánaða törn Björns Inga Hrafnssonar, á Viljanum, er að koma bók um Covid 19 og allt sem þeirri veiru fylgir. Björn Ingi hefur mætt á alla fundi þríeykisins frá upphafi og spurt að einu og öðru. Nú hyllir loks undir að bókin, Vörn gegn veiru, komi í bókaverslanir. Í næstu viku verður henni dreift. Hann gefur bókina út sjálfur. Einhverjir velta fyrir sér hver efnistökin verði og hvernig almenningur taki verkinu.
Mikið er undir fyrir höfundinn að salan gangi upp. Hann hefur gengið um dimman dal fjárhagsörðugleika undanfarið eftir að fjölmiðlaveldi hans og seinna veitingastaðurinn Argentína urðu gjaldþrota. Það sem helst gæti hamlað sölu er að margir hafa fengið nóg af óværunni og geta ekki hugsað sér að eyða frítíma sínum í lestur um ófögnuðinn …