Sunnudagur 29. maí, 2022
12.1 C
Reykjavik

„Boðberi bjartsýni og skapandi krafta í samfélaginu“

Helgarviðtalið

- Auglýsing -

Orðrómur

- Auglýsing -

Framsækin hönnun og nýjungar á hátíðinni HönnunarMars sem stendur yfir til 28. júní.

„HönnunarMars er boðberi bjartsýni og skapandi krafta í samfélaginu,“ segir Þórey Einarsdóttir, stjórnandi hátíðarinnar, en eins og kunnugt er átti HönnunarMars 2020 að fara fram í lok marsmánaðar eins og undanfarin ellefu ár, en vegna COVID-19 faraldursins var hátíðinni frestað til 24.-28. júní.

HönnunarMars er ein af sex borgarhátíðum Reykjavíkur og verður hluti af átaki borgarinnar, Sumarborgin 2020, sem miðar að því að efla miðborgina sem áfangastað og styðja við atvinnulíf á svæðinu og bjóða upp á lifandi menningu og listir fyrir alla í sumar. Um er að ræða stærstu hönnunarhátíð á landinu, þar sem framsækin hönnun og nýjungar leiða saman sýnendur og gesti.

Hátíðin er lífleg höfn hugmynda, ólíkra sjónarmiða og þekkingar, hreyfiafl sem auðgar og bætir samfélagið. Í ljósi aðstæðna fer hún fram með breyttu sniði. Stórir og mannmargir viðburðir sem hafa verið fastir liðir hátíðarinnar, eins og opnunarhóf, DesignTalks, DesignDiplomacy og DesignMarch verða þannig að bíða til ársins 2021.

Dagskráin 2020 tekur á sig breytta mynd og að gefnu tilefni þarf að grípa til viðeigandi ráðstafana í takt við reglur Almannavarna, eins og að tryggja aðgangsstýringu og hreinlæti. Þá verður aukin áhersla á miðlun efnis í rafrænu formi.

„Nú er tækifærið til að beina sjónum að hönnun sem drifkrafti til nýsköpunar og sýna hversu mikilvægu hlutverki þessar greinar gegna í samfélaginu,“ bendir Þórey á. „Sérstaklega á þeim óvissutímum sem við lifum nú. Við viljum nýta tækifærið til að vekja athygli á mikilvægi skapandi hugsunar á krefjandi tímum.“

- Auglýsing -

Hægt er að kynna sér dagskránna nánar á honnunarmars.is

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -