2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

    Sjö áhugaverðar staðreyndir um Andy Warhol

    Andy Warhol er einn af þekktustu listamönnum 20. aldarinnar en hann er talinn brautryðjandi í popplistinni.

     

    1. Foreldrar Andy Warhol voru innflytjendur frá Slóvakíu en hann var yngstur þriggja bræðra.
    2. Hann breytti nafni sínu eins og svo margir listamenn, þó einungis um einn staf. Hann tók a-ið aftan af ættarnafninu og hét því Warhol í stað Warhola.
    3. Andy Warhol var frá Pittsburgh í Pennsylvaníu en hann hafði ekki hátt um þá staðreynd. Safn tileinkað honum og hans minningu var reist í borginni og opnað þann 13. maí 1994. Warhol-safnið er stærsta listasafn í heimi sem tileinkað er einum listamanni en þar eru 17 salir á sjö hæðum ásamt yfir 900 málverkum, og fjöldanum öllum af myndum, teikningum og málverkum.
    4. Listamaðurinn hafði dálæti á skærum frumlitum sem hann notaði mikið í listaverk sín. Uppáhaldslitirnir hans voru rauður, gulur og blár en hann notaði þá oft saman.
    5. Andy Warhol tók upp nánast allar samræður sem hann átti við fólk og stundum kallaði hann upptökutækið eiginkonu sína en Andy var samkynhneigður.
    6. Árið 1968 var Andy Warhol skotinn í búkinn af öfgafullri konu en hann hafði hafnað handriti sem hún hafði skrifað. Hann lifði árásina af en þurfti að fara í margar aðgerðir og þurfti að ganga með lífstykki alla ævi.
    7. Andy dó ungur, eða 58 ára að aldri, en hann fór í hjartastopp þegar hann var í aðgerð. Læknirinn sem skar hann upp, Björn Þorbjarnarson, var yfirlæknir á New York Hospital á þessum tíma. Þess má geta að hann er móðurafi rithöfundarins Andra Snæs Magnasonar.

    Ekki missa af þessum

    Annað áhugavert efni

    Nýjast á Mannlíf.is