Þriðjudagur 16. júlí, 2024
9.1 C
Reykjavik

Fjöll gefur út lagið Lengi lifir – Tónleikar með Soma í vændum

VefTv

- Auglýsing -

Hlaðvörp

- Auglýsing -

Í dag gefur hljómsveitin Fjöll út glænýtt lag sem ber heitið Lengi lifir en það er þriðja lagið sem bandið sendir frá sér.

Auk þess að gefa út lagið Lengi lifir í dag, undirbýr hljómsveitin sig fyrir tónleika sem haldnir verða föstudaginn 8. desember en þar spilar Fjall ásamt Soma.

Samkvæmt fréttatilkynningu frá bandinu tengjast Fjöll og Soma nokkuð sterkum böndum, því þrír meðlimir Fjöll, Guðmundur Annas Árnason söngvari, Snorri Gunnarsson gítarleikari og Kristinn Jón Arnarson bassaleikari, hófu einmitt samstarf í Soma, sem náði töluverðum vinsældum seint á tíunda áratugnum. Soma kom aftur saman árið 2021 eftir ríflega 20 ára hlé og verða þetta þriðju tónleikar sveitarinnar eftir það.

Í Fjöll eru einnig Ragnar Þór Ingólfsson, sem spilar á trommur og Guðmundur Freyr Jónasson gítarleikari. Ragnar spilaði með hljómsveitunum Guði gleymdir og Los, einnig á tíunda áratugnum, en hefur nú dregið fram trommusettið á nýjan leik. Guðmundur Freyr er nýgenginn til liðs við Fjöll, en hann spilaði meðal annars í hljómsveitinni Vígspá, sem var áberandi í harðkjarnasenunni í kringum aldamótin.

Lengi lifir var tekið upp í Hljóðrita og sá Kristinn Sturluson um upptöku og mix.

Lagið á Spotify: https://open.spotify.com/track/4IPn2wV9TGpDM3HbEZGsG4?si=19384f72de094ff3

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -