Höfundar The Simpsons breyta til.
Homer Simpson mun ekki lengur kyrkja Bart, son sinn, þegar hann reiðist út í piltinn. Þetta er ákvörðun sem höfundar The Simpsons tilkynntu fyrir stuttu í þættinum sjálfum. The Simpsons hefur lengi verið einn af vinsælustu sjónvarpsþáttum allra tíma og hefur verið í sýningum frá 1989 auk þess sem kvikmynd um fjölskylduna kom út árið 2007.
Þátturinn hefur tekið ýmsum breytingum í gegnum tíðina. Nokkrar persónur hafa verið skrifaðar út úr þáttunum svo sem Maude Flanders, eiginkona Ned Flanders, en hún dó eftir hafa verið skotin í andlitið með stuttermabolabyssu sem varð til þess að hún datt aftur fyrir sig og féll niður tugi metra og dó. Þá hefur leikarinn Hank Azaria hætt að tala fyrir persónuna Apu Nahasapeemapetilon en persónan er af indverskum uppruna og þótti honum það ekki viðeigandi að hann talaði fyrir persónu af slíkum uppruna.