- Auglýsing -
Ásakanir Bergsveins Birgissonar rithöfundar á hendur Ásgeiri Jónssyni, rithöfundi og seðlabankastjóra, hafa vakið þjóðarathygli. Bergsveinn fullyrðir að Ásgeir hafi nýtt sér efni úr Leitin að Svarta víkingnum og gert að sínu í bókinni Eyjan hans Ingólfs. En nú er komið babb í bát Bergsveins. Finnbogi Hermannsson, rithöfundur og útvarpsmaður, upplýsir í Mogganum að Bergsveinn hafi að líkindum gerst sjálfur ritþjófur með því að nota texta úr bók sinni, Einræður Steinólfs, og gera að sínum í bókinni Svar við bréfi Helgu án þess að gera grein fyrir uppruna textans. Ef þetta er rétt þá hefur Bergsveinn vakið upp draug sem hann ræður ekki lengur við …