Baráttukonan Edda Falak hefur átt bæði góða spretti og slæma síðan hún hóf baráttu sína fyrir hönd kvenna sem höfðu orðið undir í samskiptum við karlmenn. Edda stofnaði podcastið Eigin konur ásamt vinafólki sínu en allt fór í brand á milli þeirra og Edda tók yfir reksturinn og eignirnar. Meðeigendur hennar hafa ásakað hana um óheiðarleika. Seinna upplýsti Frosti Logason, fjölmiðlamaður og einn af skotspónum hennar, að hún sagði ósatt um starfsferil sinn í Danmörku og þar með meint ofbeldi á vinnustaðnum. Einu staðfestu heimildarnar um störf hennar á danskri grunu er að hún starfaði sem skyrkona við afar góðan orðstýr. Edda missti í framhaldinu vinnu sína á Heimildinni.
Edda var dæmd í undirrétti fyrir að birta hljóðupptöku þar sem móðir er í harkalegum orðaskiptum við dóttur sína. Eftir dóminn var efnt til söfnunar á Karolina fund svo Edda gæti áfrýjað og rétt hlut sinn gagnvart móðurinni. Söfnunin tókst með afbrigðum vel. Frosti Logason upplýsti í framhaldinu að hún hefði alls ekki áfrýjað, heldur greitt sektina sem undirréttur ákvarðaði henni og síðan haldið í ferðalag til útlanda.
Edda brást við nokkru síðar og sagði þetta vera ósatt og hún ætlaði víst að áfrýja. Fyrir liggur að hún hefur greitt móðurinni þær bætur sem dómurinn ákvarðaði sem verður að teljast furðulegt ef hún síðan áfrýjar og vinnur málið. Komi upp sú staða þarf hún væntanlega að fara í mál við móðurina til að endurheimta peningana. Það kemur í ljós á næstunni hvort hún áfrýjar. Framvindan í máli Eddu er svo sannarlega spennandi þótt fæstir botni í því á hvaða vegferð baráttukonan er …