Hjartalæknirinn Tómas Guðbjartsson lætur sig margt varða. Hann er einlægur náttúrusinni og berst gegn hverjum þeim ófögnuði sem skaðað getur íslenska náttúru. Nýleg færsla hans um mengandi skemmtiferðaskip við Íslands vakti mikla athygli. Hann taldi fráleitt að laða að skipin og fá yfir sig „það neikvæða álag og ímynd sem skapast af svona spúandi fljótandi mengunarvöldum“.
Tómas og Kona hans, Dagný Heiðdal hafa byggt veglegt hús við Arnarfjörð, skammt frá Bíldudal, sem þau kalla Andahvilft. Þetta er úr alfraleið og sjaldnast neitt sem truflar á þeim bænum. En viti menn. Sama dag og færslan var opinberuð birtist spúandi skemmtiferðaskip á firðinum og hringsólaði um stund við túnfót hjónanna. Reyndar er talið að það hafi verið þrír hvalir á svæðinu sem löðuðu skipið að en ekki hjartalæknirinn tannhvassi …