Eftirtektarverð fiskiflétta og rómantískir liðir

Ef hátíðargreiðslan vefst alltaf fyrir þér og situr á hakanum þegar kemur að sparigallanum á tyllidögum þá er þetta fyrir þig. Dagný Ósk, einn eigandi Sprey hárstofu, kennir lesendum að gera þessa sparilegu greiðslu.

Rómantískir liðir og fiskiflétta

Það þarf ekki að vera flókið að framkalla glæsilega sparigreiðslu.

„Ég notaði stóra öfuga keilu frá HH Simonsen til þess að ná liðunum jöfnum. Til þess að gera greiðsluna örlítið áhugaverðari bjó ég til fiskifléttu við andlitið og leyfði henni að vera lausri niður. Það er auðvitað hægt að spenna hana upp eða jafnvel gera báðum megin og láta þær svo mætast saman að aftan.

Það þarf alls ekki að vera með mjög þykkt hár til þess að ná fléttunni svona breiðri, ég einfaldlega notaði DOO.OVER frá Kevin Murphy og togaði fléttuna aðeins út sem gerir hana aðeins úfnari og meiri um sig,“ segir Dagný.

AUGLÝSING


Eigendur Sprey hárstofu eru Katrín Sif og Dagný Ósk sem sjást fremst á myndinni.

Myndir / Aldís Pálsdóttir

Ekki missa af þessum

Annað áhugavert efni

Nýjast á Mannlíf.is