Sunnudagur 4. desember, 2022
2.8 C
Reykjavik

Ferlega freistandi pekanhnetukaka með karamellu

Helgarviðtalið

- Auglýsing -

Orðrómur

- Auglýsing -

Ef þú elskar hnetur og karamellu þá er þetta uppskrift fyrir þig en þessi kaka er tilvalin í sunnudagskaffið, afmælið eða saumaklúbbinn.

 

PEKANHNETUKAKA MEÐ KARAMELLU
fyrir 10-12

150 g smjör, mjúkt
4 dl púðursykur
5 egg
4 ½ dl hveiti
1 ½ tsk. lyftiduft
½ tsk. salt
1 ½ dl mjólk
150 g pekanhnetur, gróft saxaðar

Stillið ofn á 170°C og smyrjið stórt formkökuform með smjöri eða olíu. Hærið saman smjör og púðursykur. Bætið eggjum út í, einu í einu, og hrærið vel á milli.

Sigtið þurrefnin saman og bætið þeim út í smjörblönduna til skiptis við mjólkina þar til allt er vel samlagað. Blandið pekanhnetum saman við í lokin.

Bakið í 35-45 mín. eða þar til hníf sem stungið er í miðju kökunnar kemur hreinn út. Hellið karamellukremi yfir kökuna þegar hún er borin fram og berið það gjarnan fram í skál með kökunni.

Karamellukrem

- Auglýsing -

3 ½ dl sykur
6 msk. vatn
6 msk. smjör
1 ¾ dl rjómi

 Setjið sykur og vatn saman í þykkbotna pott og hitið. Gætið þess að hræra ekki í pottinum. Þegar blandan fer að sjóða er best að hreyfa pottinn aðeins til á hellunni annað slagið en alls ekki hræra.

Mynd / Hákon Davíð Björnsson

Notið sílikonpensil og vatn til þess að pensla niður sykurklumpa sem geta myndast í hliðum pottsins. Þetta kemur í veg fyrir að karamellan kristallist. Þegar sykurblandan er búin að ná nokkuð dökkum gylltum lit er smjörinu bætt út í og hrært í þar til það hefur bráðnað alveg. Takið þá pottinn af hitanum og látið standa í nokkrar sekúndur.

- Auglýsing -

Setjið rjómann saman við, athugið að fara varlega því karamellan mun bullsjóða. Hrærið þar til allt er vel samlagað og setjið karamelluna í hreina krukku. Látið kólna.

Umsjón / Kristín Dröfn Einarsdóttir
Myndir / Hákon Davíð Björnsson
Stílisti / Ólöf Jakobína Ernudóttir

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Deila

Nýtt í dag

Mest lesið í vikunni

Í fréttum er þetta helst...

- Auglýsing -