Bubbi Morthens er svo sannarlega í kastljósinu eftir að hann sagðist vera þolandi netofbeldis. Í vikunni sagði hann að „auðveldasta leiðin til að beita aðra ofbeldi væri á Twitter.“ Gríðarleg viðbrögð urðu við færslunni og voru flestir á því að Bubbi væri að kasta steinum úr glerhúsi með því að setja sig í stöðu fórnarlambs. Hann hefur sjálfur verið gagnrýndur fyrir gróft einelti á hendur söngkonuninni Þórunni Antoníu þótt það hefði ekki gerst á Netinu. Þá hefur hann verið óvæginn í athugasemdakerfi fjölmiðla við þá sem tjá sig ekki með þeim hætti sem honum líkar.
Margir hjóluðu í Bubba. DV benti á að kona sagði hann vera „gerendameðvirkan rudda sem kemst áfram á fake einlægni, gamalli frægð og feðraveldinu.“
Lengst af svaraði hann engu en eftir að vammlaus grunnskólakennari, Heiðar Ríkharðsson, bað hann fyrir skilaboð til ofbeldismanna sem nýta sér ungar stúlkur sprakk hann á þagnarbindindinu og svaraði og sagði að hann hefði einungis bent á að ofbeldismenning þrifist á Twitter. „Ég verð fyrir netofbeldi, ertu ekki að grínast, drullað yfir mig, kallaður nöfunum, fyrir hvað? Benda á staðreynd,“ skrifar Bubbi og augljóst að hann er viðkvæmt blóm sem sárnar að vera gerður að samskiptafulltrúa við ofbeldismenn …