2019 | Birtingur útgáfufélag ehf | k.t. 620867-0129 | VSK.nr 11788 | Síðumúla 28 | Allur réttur áskilinn. Notkun á efni miðilsins er óheimil án samþykkis.

Atvinnulausir á Íslandi eru tvöfalt fleiri en fjöldi lausra starfa

Um 6200 manns eru atvinnulaus en skráð störf eru aðeins rétt rúmur helmingur þess fjölda eða 3500. Þetta kemur fram í tölum Hagstofu Íslands. Atvinnuþátttaka á fyrsta ársfjórðungi ársins var að jafnaði átta af hverjum tíu íbúum landsins. Atvinnuleysi er um 3% að jafnaði undanfarinn ársfjórðung.

Atvinnuleysi stóð nokkurn veginn í stað frá fyrsta ársfjórðungi 2018. Mælt atvinnuleysi var 0,1 prósentustigi hærra, sem er innan skekkjumarka. Hlutfall starfandi stóð einnig í stað frá síðasta ári. Um 48.900 mannst töldust utan vinnumarkaðar á fyrsta ársfjórðungi 2019. Um 30% þeirra voru eftirlaunaþegar eða um 14.400 manns. Þar á eftir voru námsmenn, um 12.000 manns að meðaltali eða um fjórðungur.

Á fyrsta ársfjórðungi 2019 voru að jafnaði 183.100 manns á aldrinum 16-74 ára við vinnu í hverri viku ársfjórðungsins og var meðalheildarfjöldi vinnustunda þeirra 38,8 klukkustundir. Þeir sem voru í fullu starfi unnu þó ívið meira eða að meðaltali um 44 stundir í viðmiðunarvikunni, en heildarfjöldi vinnustunda í hlutastarfi var að meðaltali um 22,6 klukkustundir.

Ekki missa af þessum

Annað áhugavert efni

Nýjast á Mannlíf.is