Laugardagur 3. desember, 2022
-0.2 C
Reykjavik

Brynjar Níelsson dregur fólk í dilka: „Tvenns konar týpur eru mest áberandi“

Helgarviðtalið

- Auglýsing -

Orðrómur

- Auglýsing -

Í nýrri fésbókarfærslu tjáir Brynjar Níelsson sig um hvernig flokka megi mannskepnuna og hvernig tvær fylkingar hennar eru hvað mest áberandi. Ætla má á skrifum hans og meðfylgjandi athugasemdum að Brynjar gefi út skoðun sína í kjölfar harðrar gagnrýni á Jón Gunnarsson utanríkisráðherra og ríkisstjórnina. Upp á síðkastið hefur mikið verið fjallað um þegar hópi innflytenda var vísað úr landi og vilja meina að aðgerðin hafi verið ómannúðleg.

Brynjar klæðir sig í hlutverk hins gamla og vitra manns og byrjar á að fara yfir fyrri gerð manneskjunnar sem hann telur meðvirka, óábyrga, sjálfmiðaða og ógagnlega.

„Á langri ævi áttar maður sig á að maðurinn er ekki eins fjölbreytilegur og ætla mætti við fyrstu sýn. Tvenns konar týpur eru mest áberandi. Annars vegar meðvirka og óábyrga týpan sem trúir að manngæska þess sé meiri en annarra án þess að leggja neitt á sig sjálft í þeim efnum og klæmist bara út í það óendanlega. Það er gjarnan mjög sjálfmiðað og sér því aldrei heildarsamhengi hlutanna. Merkilega margir úr þessum hópi sem komast til æðstu metorða en reynast samt iðulega til lítils gagns og sem verra er stundum til verulegs ógagns.„
Brynjar heldur áfram og lýsir seinni manngerðinni sem fórnfúsri og tilbúin að ganga í skítverkin. Hún sé sannkallaður skotspónn óvinsælda.
„Hins vegar er það leiðinlegi gæinn sem er svo vitlaus að segja bara það sem enginn vill heyra og tekur í þokkabót eingöngu að sér óvinsæl jobb, jafnvel í eigin hópi, til að viðhalda stöðugri andúð á sér. Hann á það til að taka hanskann upp fyrir fordæmda í samfélaginu og skamma síðan puntudúkkurnar og frekjurnar, sem dregur síður en svo úr óvinsældum og andúð á honum.“
Að endingu vill Brynjar meina að sannleikurinn sé einfaldur og augljós.
„Stundum þarf ekki meira til en að segja einfaldan sannleika sem blasir við öllum. Þar sem læknisfræðin er í stöðugri þróun mun vera stutt í að þessi týpan fái sjúkdómsgreiningu. Þá verður loks búið að sjúkdómsgreina alla þjóðina. Full ástæða til að óska skattgreiðendum til hamingju með það. Það er nóg til.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -