Nokkuð var að gera hjá Lögreglunni á höfuðborgarsvæðinu síðasta sólarhringinn en frá þessum atvikum er greint frá í dagbók lögreglu:
Tilkynnt var um þjófnað úr fataverslun í miðbænum um klukkan 17:30 í gær. Sá sem var þar að verki er þekktur hjá lögreglunni og voru borin kennsl á hann á upptökum öryggismyndavéla. Hafði lögregla afskipi af aðilanum stuttu seinna en ekki fannst þýfið. Lagt var hald á fíkniefni.
Eldur kom upp í bifreið á Suðurlandsvegi og kom slökkviliðið á vettvang ásamt lögreglu. bifreiðin var numin á brott með dráttarbíl en eldur átti upptök sín í vél bifreiðarinnar.
Unnin voru eignaspjöll í hverfi 108 laus fyrir klukkan 20 í gærkveldi. Talið var að skotið hefði verið á afturrúðu bifreiðar með loftbyssu.
Um klukkan 22:00 var tilkynnt um þjófnað í Hafnarfirði en tekin var Suzuki utanborðsmótor af bát sem hafði staðið fyrir utan siglingaklúbb.
Tveir ökumenn voru stöðvaðir vegna gruns um akstur undir áhrifum áfengis eða fíkniefna og einn stöðvaður fyrir of hraðan akstur.