Gustað hefur um baráttukonuna Eddu Falak undanfarin misseri. Edda gat sér gott orð með hlaðvarpinu Eigin konur þar sem stigu fram konur sem orðið höfðu illa út í samskiptum við feðraveldið. Sjálf átti hún sér þá sögu að hafa verið áreitt kynferðislega, meðal annars þegar hún starfaði í dönsku stórfyrirtæki. Það reyndist síðan málum blandið að hún hefði unnið þar sem hún sagði. Frosti Logason fjölmiðlamaður upplýsti að frásagnir hennar áttu sér ekki stoð. Þessu til viðbótar var fullyrt að Edda hefði svikið Fjólu Sigurðardóttur, samstarfskonu sína, og haft af henni hlaðvarpið Eigin konur. Eftir mikinn fjölmiðlastorm hraktist hún úr starfi á Heimildinni eftr stutta viðveru.
Edda prýðir forsíðu Vikunnar að þessu sinni. Þar er gefið til kynna að hún sé í einskonar uppgjöri. Hins vegar er ekkert að finna um þau mál sem hún var sökuð um. Viðtalið er drottningarviðtal sem snýst eingöngu um þann barlóm að fjölmiðlar hafi farið um hana ómjúkum höndum og hvað hún hafi mátt þola. Ekki er orð að finna um ávirðingar þess eðlis að hún hafi sagt ósatt um líf og störf eða blekkt fólk. Engin iðrun, svör eða afsökunarbeiðni, aðeins innantómt tal …