Áhrifavaldurinn og fjögurra barna móðirin Alicia Hebner svaraði nýverið gagnrýni á samfélagsmiðlum sem vakti mikla athygli. Alicia, sem er með rúmlega þrjár milljónir fylgjenda á TikTok, fær iðulega athugasemdir um klæðaburð hennar þar sem hún er spurð hvort henni þyki magabolur og stuttar stuttbuxur viðeigandi.
Þá hafa sumir sagt fjögurra barna móðurina vekja „ranga athygli“ en einn notandi skrifar: „Þú ert móðir lítilla stúlkna, finnst þér þetta viðeigandi? Annað – Ertu ekki svolítið gömul til að vera klædd svona? Röng athygli.“ Alicia ákvað að svara konunni og þeim sem hafa gagnrýnt útlit hennar og birti af sér myndband þar sem hún spyr hvar hún geti fundið aldurstakmark þegar kemur að fötum.
Bætti hún myllumerki inn á myndbandið og skrifaði „hættu að dæma konur“ og „líkaminn minn er mitt val“. Hreyfingin Jákvæð líkamsvirðing hefur vakið töluvert mikla athygli síðustu ár en er fólk hvatt til þess að klæða sig eins og því langar til, óháð aldri og líkama.