- Auglýsing -
Fyrrum hjúkrunarfræðingurinn Joyce Wilton lést á hjúkrunarheimili í Bretlandi í mars. Hún hafði verið alvarlega veik um nokkurt skeið þegar hún ákvað að hætta inntöku hjartalyfja í tilraun til þess að stytta líftíma sinn. Joyce þurfti að þola miklar þjáningar.
„Hún hélt að hún myndi deyja í svefni en ferlið var langt og hægt. Dánaraðstoð hefði sparað henni svo miklar þjáningar,“ sagði dóttir Joyce
Joyce var 99 ára þegar hún lést. Hún hætti að taka inn lyfin síðasta sumar og í janúar var hún orðin of veikburða til þess að borða. Dánarorsök hennar eru sögð vera sultur. Það síðasta sem Joyce gerði áður en ævi hennar var öll var að grátbiðja starfsfólk hjúkrunarheimilisins að gera eitthvað svo hún myndi ekki vakna um morguninn.