Glúmur gefur upp með hvaða liði hann heldur á EM: „Fékk ég bolta sem notaður var á því móti“

Glúmur Baldvinsson hefur mikinn áhuga á EM í fótbolta er fram fer í Þýskalandi um þessar mundir.

Hann greinir frá því með hvaða landsliði hann heldur, og gerir það að sjálfsögðu vel og á sinn hátt:

„Þýskaland hefur alltaf verið mitt lið frá því ég gekk fyrst inná skrifstofu afa Schram 1974. Björgvin Schram fyrrum fyrirliði KR, Íslands, og formaður KSÍ var sá sem flutti Adidas til Íslands.“

Heldur áfram:

„Þar á veggjum voru bara myndir af Beckenbauer og Gerd Müller hampandi HM titlinum og fékk ég bolta sem notaður var á því móti í Þýskalandi.“

Glúmur er á því að „eftir lægð virðist sem svo að þýski risinn hafi ekki bara rumskað, heldur vaknað.

Lengi lifi minning Beckenbauer og Müller.“