Fimmtudagur 22. september, 2022
9.1 C
Reykjavik

Guðmundur er látinn: „Hann fór ekki troðnar slóðir“

Helgarviðtalið

- Auglýsing -

Orðrómur

- Auglýsing -

Guðmundur Magnússon, kennari og leiðsögumaður, er látinn en hann var 84 ára. Vafalaust kannast hálfur Vesturbærinn við hann því Guðmundur kenndi í Hagaskóla í 40 ár. Einar Magnússon, fyrrverandi skólastjóri Hagaskóla, þakkar honum fyrir óeigingjarnt starf í minningargrein.

Guðmundur lærði húsasmíði og varð húsasmíðameistari en síðar á ævinni lauk hann myndlistakennaraprófi. Guðmundur kenndi í áratugi í Hagaskóla, fyrst sem myndlistakennari en síðar sem landafræðikennari. Hann kenndi einnig við Fósturskólann, Æfingadeild Kennaraskólans og var stundakennari við Myndlista- og handíðaskóla Íslands.

Um miðjan aldur hóf hann störf sem leiðsögumaður hjá Úlfari Jacobsen í hálendisferðum, Ferðaskrifstofunni Sunnu og Ferðaskrifstofu Samvinnuferða Landsýnar. Hann var einnig meðlimur í Flugbjörgunarsveitinni.

Einar skólastjóri segir hann hafa verið skemmtilegan samstarfsmann. „Drengur góður, orðvar, glettinn, hugmyndaríkur,ódeigur að takast á við ný verkefni, þúsundþjalasmiður, lífskúnstner og kunni að lifa lífinu lifandi. Stakur reglumaður. Guðmundur kenndi um langt árabil við Hagaskóla, lengst af myndmennt þar sem hann fór ekki troðnar slóðir. Hann hvatti nemendur sína til sjálfstæðra vinnubragða og var þeim innan handar í einu og öllu. Hann viðaði stöðugt að sér efni sem hann safnaði saman í geymslum skólans og sótti svo í eftir þörfum. Til hans var leitað þegar settar voru upp sýningar um skólastarfið á merkisdögum því hann var með afbrigðum úrræðaóður og lausnamiðaður,“ segir Einar og þakkar honum fyrir farsælt óeigingjarnt starf við Hagaskóla.

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -