Bjarni Fel er látinn

Bjarni Felixson, fyrrum íþróttafréttamaður og landsliðsmaður í fótbolta, lést í morgun 86 ára að aldri.

Samkvæmt frétt RÚV lést Bjarni í Danmörku þar sem hann hugðist ætla að vera viðstaddur jarðarför góðvinar síns, Finn Heiner. Þeir voru ævilangir vinir en þeir kynntust í gegnum störf sín í íþróttafréttum á RÚV og DR.

Bjarni lætur eftir sig eiginkonuna Álfheiði Gísladóttur en börn þeirra eru fjögur og barnabörn og barna-barnabörn 14.