Bubbi Morthens er síður en svo sáttur við að móðurfélag Arnarlax hafi í gær verið skráð á Nasdaq First North vaxtarmarkaðinn á Íslandi.
Tónlistargoðsögninn og laxveiðimaðurinn Bubbi Morthens birti frétt frá Vísi í gær þar sem sagt er frá því að Icelandic Salmon AS, móðurfélag laxeldisfyrirtækisins Arnarlax, hafi í gær verið skráð á Nasdaq First North vaxtarmarkaðinn á Íslandi.
Við fréttina skrifaði Bubbi færslu þar sem hann segir að svona nokkuð gerist bara á Íslandi. „Fyrst færðu heilan fjörð gefins, svo eyðileggur þú náttúruna,“ skrifaði hann og sagði það gert með stuðningi íslenskra stjórnmálaflokka.
Færsluna má lesa í heild hér fyrir neðan:
„Svona gerist bara a Íslandi fyrst færðu heilan fjörð gefins svo eiðileggur þú náttúruna allt með stuðning íslenskra flokka í pólitík síðan færðun lífeyrissjóði til að leggja pening í þessa gjafar jötu síðan ferðu á markað og selur fólkinu gjöfina og hlæjandi ferðu í bakann einu sinni á dag spilling nei nei þetta er Ísland“