Þriðjudagur 19. mars, 2024
0.8 C
Reykjavik

Enn af „hryllingnum á Höfða“ – Íhugar að afhenda bæjarstjóra nokkrar horaðar kindur

VefTv

- Auglýsing -

Hlaðvörp

- Auglýsing -

Nokkrar horaðar kindur bíða enn eftir að bændurnir á Höfða sæki þær til nágranna síns að sögn Steinunnar Árnadóttur en segir þær hafa vatn og hey til átu.

Sjá einnig: Nýjar ljósmyndir frá „hryllingnum á Höfða“: „Eigendur svara ekki lögreglu“

Steinunn Árnadóttir skrifaði framhaldsfærslu um það sem hún kallar „Hryllingurinn á Höfða en hún hefur verið óþreytandi við að benda á slæman aðbúnað fjársins á Höfða í Borgarfirði en talið er að um 1.200 kindur séu á bænum en aðeins sé pláss fyrir um 300 í fjárhúsinu. Kindur beri úti og svangir hrafnar og refir hugsi sér gott til glóðarinnar.

Hrafnar sveima yfir kindunum.
Ljósmynd: Steinunn Árnadóttir

Í færslunni segir hún að „vesalings kindurnar“ bíði enn eftir að eigandinn sæki þær. Segir hún í færslunni að sá sem hafi kindurnar undir höndum sé að íhuga að fara með þær í „kaupstaðaferð“ þar sem þær yrðu afhentar sveitastjóra Borgarbyggðar, Stefáni Brodda Guðjónssonar. Segir hún ennfremur að sá sem sinnir búfjáreftiliti á svæðinu fyrir Matvælastofnun hafi sagt í dag að „féð á Höfða væri með besta móti.“ Myndirnar tala hins vegar sínu máli.

Kindur á Höfða
Ljósmynd: Steinunn Árnadóttir

„Framhald: Hryllingurinn á höfða

Enn bíða vesalings kindurnar eftir að eigandinn nái í þær. Það skal tekið fram að þær hafa hey og vatn.
9.gr: ,,Hafi umráðamaður búfjár ekki fundist eða sinnt fyrirmælum um að sækja búféð innan tveggja sólarhringa frá tilkynningu er umráðamanni lands heimilt að afhenda viðkomandi sveitarstjórn búféð”.
Hugsanlegt er að aðilinn sem handsamaði þessa horuðu vesalinga fari með þá í kaupstaðaferð og afhendi sveitarstjóra (Stefan Broddi Gudjonsson.) Væri gott að fá móttökunefnd Magnús Magnússon eða einhverjir sem bjóða sig fram?
Af búfjareftirliti er það að frétta að aðilinn sem sinnir því á þessu svæði sagði í dag að ,,féð á Höfða væri með besta móti”.
Það hljómar kunnuglega!!“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -