Eins og alþjóð veit var Grindavíkurbær rýmdur í gærkvöldi vegna mögulegs eldgoss og er bærinn nú tómur af íbúum. Íslendingar hafa komið saman frá því að ákveðið var að rýma Grindavík, og hafa margir þeirra boðið Grindvíkinga velkomna á heimili sín en Facebook-hópurinn Aðstoð við Grindvíkinga var búinn til í skyndi og hefur sá vettvangur reynst mörgum vel en þar má aðstoða Grindvíkinga á ýmsa vegu, meðal annar sem því að hýsa þá.
Björgvin G. Sigurðsson, fyrrverandi ráðherra Samfylkingarinnar er einn af þeim sem býður fram aðstoð sína en hann birti Facebook-færslu þar sem hann bauð fram gistingu næstu daga fyrir 15 til 20 manns. Hefur hann hlotið mikið lof í athugasemdum við færsluna en þar hafa fleiri boðið fram aðstoð sína. Einn skrifaði eftirfarandi athugasemd: „Þetta er þér líkt, öðlingur.“
Færsluna má lesa hér að neðan:
„Ef íbúa úr Grindavík vantar gistingu næstu daga og vikur getum við lagt hana til fyrir 15-20 manns í Skarði – Skeið – Gnúp (34 km frá Selfossi á leið að Flúðum) 8 Selfossi og 6 manns í Stykkishólmi.