- Auglýsing -
Slökkvilið er enn við vinnu vegna eldsvoðans sem kom upp í húsi á horni Bræðraborgarstígs og Vesturgötu í Reykjavík. Tilkynning um eldinn barst kl. 15.15 í dag og mikill viðbúnaður hefur verið á vettvangi.
Nokkurn reyk hefur lagt frá húsinu og lögreglan á höfuðborgarsvæðinu ítrekar að íbúar í nágrenni loki gluggum vegna reyksins.
Útlit er fyrir að tölverð vinna sé eftir og lögregla hefur beðið fólk um að halda sig fjarri á meðan viðbragðsaðilar eru að störfum.