Föstudagur 20. maí, 2022
12.8 C
Reykjavik

Arnór Sigurðsson naut sín í fríi í Dúbaí: „Flöskuborð með Mbappe, vonandi áttu þið líka gott kvöld“

Helgarviðtalið

- Auglýsing -

Orðrómur

- Auglýsing -

Arnór Sigurðsson knattspyrnumaður, fæddur 1999, spilar fyrir Venezia FC á láni frá CSKA Moskva sem miðjumaður.

Arnór spilar einnig fyrir íslenska landsliðið enda er hann klárlega einn allra besti knattspyrnumaður okkar Íslendinga frá upphafi; skoraði meðal annars gífurlega mikilvægt mark fyrir lið sitt CSKA Moskvu gegn stórveldinu Real Madrid, en þetta hafði hann að segja um markið gegn Real Madrid árið 2020:

Arnór fagnar hér frægu marki sínu gegn stórveldinu Real Madrid á heimavelli þess í Madrid, Santiago Bernabéu, sem er einn goðsagnakenndasti leikvöllur allra tíma og einn sá fallegasti

„Þeir voru helvíti hrokafullir. Þetta er klárlega hápunkturinn á dvölinni hingað til,“ sagði Arnór Sigurðsson, landsliðsmaður í fótbolta og leikmaður CSKA Moskvu, þegar hann rifjaði upp frammistöðu sína gegn stórveldi Real Madrid.

Arnór skoraði fyrsta mark sitt fyrir CSKA í 1-2 tapi gegn Roma á heimavelli í nóvember 2018, í Meistaradeild Evrópu. Hann bæði skoraði svo og lagði upp mark í 3-0 sigri gegn sigursælasta liði keppninnar frá upphafi, Real Madrid, á Santiago Bernabeu mánuði síðar. „Maður var einhvern veginn ekkert að hugsa um þetta en svo kom stoðsendingin og þá peppast maður upp. Svo þegar markið kemur þá var maður einhvern veginn hættur að trúa þessu. Þetta var svo óraunverulegt. Þetta var gæsahúð alveg í gegn.“

Arnór er alinn upp hjá hinu fornfræga stórveldi ÍA, en árið 2017 hélt hann til IFK Norrköping í Svíþjóð, og ári síðar var hann seldur til rússneska stórliðsins CSKA Moskvu, og gerði 5 ára samning við liðið.

Kornungur og gríðarlega efnilegur Arnór Sigurðsson í búningi uppeldisfélagsins, ÍA á Akranesi. Arnór breyttist mjög fljótlega úr efnilegum leikmanni í frábæran, og á nóg eftir

Arnór skoraði sitt fyrsta landsliðsmark  í 2-0 sigri gegn Andorra haustið 2019.

Arnór hér í landsleik gegn einu besta landsliði heims, Belgíu, í nóvember árið 2018
- Auglýsing -

Og landsliðsmaðurinn Arnór Sigurðsson hefur greinilega átt magnað kvöld Dúbaí, höfuðborg Sameinuðu arabísku furstadæmanna, nú yfir hátíðirnar.

Þar naut sín líka annar Íslendingur en sá er lögmaður en ekki fótboltastjarna – sjálfur Sveinn Andri Sveinsson.

En Arnór var þó í aðeins „meira spennandi“ félagsskap, enda sást til hans í fríi í Dúbaí, og deildi því á twitter-reikningi sínum að hann sæti með engum öðrum en franska fótboltakappanum Kylian Mbappé, líklega besta framherja í heimi í dag, og mögulega einn af fimm launahæstu leikmönnum heims, sem spilar fyrir franska risaliðið PSG og franska landsliðið, besta landslið í heimi ásamt Ítalíu.

Hér skorar Kyriam Mbabbe í landsleik fyrir Frakkland á móti litla Íslandi
- Auglýsing -

Marga dreymir örugglega um að vera í sætinu hans Arnórs Sigurðssonar – eins besta knattspyrnumanns Íslands frá upphafi, og bara vel skiljanlegt.

 

 

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.
Fullum trúnaði er heitið.

Deila

Nýtt í dag

Mest lesið í vikunni

Í fréttum er þetta helst...

- Auglýsing -