Sigurður G Guðjónsson lögmaður tjáir sig um RÚV og mál Vítalíu Lazarevu á Facebook í dag. Þar fullyrðir hann að Ríkissjónvarpið hafi haft sig að fífli í umfjöllun sinni um mál Vítalíu.
„Fréttastofu RÚV hefur á einhver óskiljanlegan hátt fengið þá ímynd að vera traust fréttastofa; segja fréttir sem byggjast á gildum heimildum viðurkenndrar blaða- og fréttamennsku. Svo er alls ekki. Þar skiptir sannleikurinn litlu falli hann ekki að sögunni sem segja á. Þess vegna er ekki haft fyrir því að skoða báðar hliðar mála, ef koma má höggi á þá eða þær manneskjur sem taldar eru standa höllum fæti þjóðfélagslega vegna einhvers konar ásakana.“
Undanfarið hefur verið fjallað nokkuð í fjölmiðlum um starfslok Eggerts Þór Kristófessonar sem forstjóra hjá Festi. Fyrir liggur að starfslokin voru ekki að hans vilja. Í fréttum sumra fjölmiðla hafa starfslokin verið tengd við hið svokallaða Vítalíu-mál, en Vítalía Lazareva vakti landsathygli snemma á árinu er hún steig fram í viðtali við Eddu Falak og lýsti því hvernig fjórir menn hefðu misboðið henni kynferðislega í sumarbústaðarferð haustið 2020. Ennfremur sakaði hún fjölmiðlamanninn Loga Bergmann um að brot gegn sér á hóteli ári síðar.
Í gær steig síðan Arnar Grant fram og sagði að frásögn Vítalíu væri ekki fjarri lagi, en hann á að hafa verið á staðnum þegar meint brot áttu sér stað í sumarbústaðaferð.
Þetta er ekki í fyrsta skipti sem Sigurður tjáir sig um má Vítalíu, en hann virðist hafa verið gripinn við það að taka myndir af Vítalíu og birta í leyfisleysi. Hann sagðist þó ekkert kannast við það.
Honum finnst þó eitthvað bogið við fréttaflutning RÚV, en í færslu sinni byrjar hann á að ræða starfslok Eggerts Þórs Kristóferssonar forstjóra Festis, en það mál og mál Vítalíu hafa verið tengd saman. Sigurði finnst það sérstakt.
„Það sem vakti hins vegar athygli við fréttina var hvernig fréttastofunni tókst að þvæla nafni þjóðþekktrar manneskju inní fréttina, og í besta falli óljósum og marg breyttum frásögnum hennar af meintum kynferðisbrotum.
Við þá umfjöllun voru notaðar myndir af tveimur öðrum manneskjum sem eiga hlut í vinnuveitandanum. Manneskjan hefur borið sakir á þessar tvær manneskjur og fleiri þar á meðal ástmanneskju sína.“
Þá hefst söguskýring Sigurðar af málinu, en hún er eftirfarandi:
„Manneskja kom fyrst fram með ásakanir sínar á samfélagsmiðlum í október 2021, þegar samband hennar og ástmanneskjunnar hafði súrnað. Síðan dró manneskjan allt til baka gagnvart ástmanneskjunnu og þau voru sem eitt í atlögum sínum að þremur manneskjum og fjölskyldum þeirra.
Um jólin 2021 urðu vatnaskil því þá réðst manneskjan með hörku að ástmanneskjunni og sakaði hana um að hafa selt hana mansali og fjallaði ítarlega um það í hlaðvarpi.
Manneskjan vildi kæra ástmannesjuna fyrir mansal og hlaut mikið lof fyrir framgöngu sína.
Nú hafa á ný orðið vatnaskil manneskjan hefur helst áhyggjur af því að ástmanneskjan fái ekki að spila golf með þeim sem hún telur að ástmannekjan eigi rétt til að spila golf með. Áður hafði hún haft áhyggjur af ferð ástmanneskjunnar í manngert lón með útlendri manneskju.
Ástmanneskjan er sátt með þennan viðsnúning og segist ætla að vera vitni þegar og ef manneskjan kærir, enda verði hið sanna að koma í ljós. “
Að lokum skorar Sigurður á „alvöru fjölmiðil“ að komast að botni þess sem átti sér stað í málinu.
„Það væri verðugt verkefni einhvers alvöru fjölmiðils að reyna að að fá einhvern botn í frásagnir manneskjunnar og ástmanneskjunnar en ekki láta hafa sig að fíflum umfram það sem orðið er.
Góða fólkið fer vonandi að átta sig á því að samfélagsmiðlar og RÚV eru ekki alltaf bestu heimildir sannleikans, frekar en klæðskeri nakta konungsins.“