Mánudagur 15. júlí, 2024
12.8 C
Reykjavik

Sjóslysið við Færeyjar: „Ekki eitt orð um þetta í kvöldfréttum sjónvarpsstöðvanna í gærkvöldi“

VefTv

- Auglýsing -

Hlaðvörp

- Auglýsing -

Halldór Benóný Nellett gagnrýnir fréttamat sjónvarpsstöðva á Íslandi, fyrir að fjalla ekki um alvarlegt sjóslys við Færeyjar, sem varð í gær en tveggja er enn saknað.

Sjá einnig: Beið í sjónum í þrjá tíma án hlífðarklæða – Tveggja úr áhöfn Kambs enn leitað

Fyrrverandi skipherra hjá Landhelgisgæslunni, Halldór Benóný Nellett skrifaði Facebook-færslu í dag þar sem hann gagnrýnir harðlega fréttamat sjónvarpsstöðvanna hér á landi, fyrir að sýna frekar frá mótmælum nemenda Hagaskóla, en að fjalla um alvarlegt sjóslys við Færeyjar sem varð í gær en þar eru tveir taldir af. „Við íslendingar gátum vitanlega ekki sjálfir aðstoðað við leit vegna þess að hin öfluga eftirlitsflugvél okkar TF-SIF er alltaf í Miðjarðarhafi vegna blankheita.“

Minnir Halldór Benóný að lokum á að Færeyingar hafi „alltaf stutt okkur í öllum okkar áföllum, nú síðast vegna Grindavíkur.“

Færsluna má lesa hér í heild sinni:

„Það er eitthvað mikið að hér á landi með fréttamat sjónvarpsstöðvanna.

Í gær varð alvarlegt sjóslys við Færeyjar þegar fiskiskip sökk og tveggja sjómanna var saknað og mikil leit í gangi. Við íslendingar gátum vitanlega ekki sjálfir aðstoðað við leit vegna þess að hin öfluga eftirlitsflugvél okkar TF-SIF er alltaf í Miðjarðarhafi vegna blankheita.
Ekki eitt orð um þetta í kvöldfréttum sjónvarpsstöðvanna í gærkvöldi heldur var meginfréttin um það þegar unglingar hentu eggjum í Alþingishúsið og þjarmað var af ókurteisi og offorsi að utanríkisráðherra.
Bara minna á það líka að Færeyingar hafa ávallt stutt okkur í öllum okkar áföllum, nú síðast vegna Grindavíkur.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -