Miðvikudagur 17. júlí, 2024
11.1 C
Reykjavik

Þarft að sanna neyð til að fá aðstoð: „Neyðarástand að mörgu leyti“

VefTv

- Auglýsing -

Hlaðvörp

- Auglýsing -

Samhjálp hefur tekið upp skráningarkerfi.

Kaffistofa Samhjálpar hefur nú tekið upp á því að biðja fólk um að sýna fram á neyð til þess að fá að heimsækja kaffistofuna. Til þess að geta leitað aðstoðar þarf fólk að skrá sig inn í heimabanka og vef Skattsins og sýna starfsfólki Samhjálpar. Þetta sé gert til að bregðast við neyðarástandi að sögn Eddu Jónsdóttur, framkvæmdastjóra Samhjálpar.

„Við höfum ásamt Hjálpræðishernum verið þau samtök sem taka á móti þeim sem eru án kennitölu. Þannig að við erum að sinna þeim hópi líka og þau eru að leita til okkar. Og eru bara mjög velkomin og yndisleg viðbót við samfélagið hjá okkur,“ sagði Edda við RÚV um þá einstaklinga sem ekki eru með kennitölu svo sem hælisleitendur. Edda sagði að einstaklingum sem leita aðstoðar hafi fjölgað gríðarlega mikið. Ekki eingöngu sé þó um innflytjendur að ræða heldur heimilislaust fólk líka.

„Þar hefur líka orðið aukning og þar er hreyfanleiki líka, vegna þess að sumir fá síðan kannski úthlutað húsnæði og eru þar í einhvern tíma. Koma svo aftur. Þetta er á ýmsa vegu.“

Að sögn Eddu sé fjöldi umsækjenda um alþjóðlega vernd sem leita aðstoðar slíkur að hægt sé að setja spurningamerki við hvort ríkið sé að standa sig nógu vel í þeim málaflokki.

„Maður veit líka ekki alveg með aðstöðu fólks á öllum stöðum. Eru þau með aðstöðu til að elda mat? Ég myndi til dæmis ekki treysta mér til að lifa á þessari upphæð sem þau fá. Þetta er allavega raunveruleikinn. Þau eru að koma til okkar.“

- Auglýsing -

Edda telur að það hafi orðið einhver fækkun í aðstoð eftir að skráningarkerfið var tekið upp.

„Þannig að það eru ákveðnar líkur á að einhverjir hafi nýtt það sem þurftu ekki raunverulega á því að halda. En svo er þetta svo erfitt að meta, því fólk er auðvitað í alls kyns aðstæðum. Við þekkjum bara hvernig húsnæðismarkaðurinn er í dag og margt fólk er auðvitað að greiða háa leigu. Þetta bara helst allt í hendur. Matarkostnaður er orðinn mjög hár þannig að það er bara neyðarástand að mörgu leyti fyrir stóran hóp fólks.“

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 

Lestu meira

- Auglýsing -

Veistu meira um málið?

Endilega láttu heyra frá þér!
Frjálst er að senda nafnlausa ábendingu en netfang þarf að vera útfyllt.

Fullum trúnaði er heitið.

Deila

Nýtt í dag

Mest lesið í vikunni

Raddir

Í fréttum er þetta helst...

- Auglýsing -