Leikarinn fyrrverandi, Þórir Sæmundsson, eða Þóri Sæm, segist hafa verið fyrstur allra á svæðið þar sem gos hófst í dag. Þóri var sagt upp hjá Borgarleikhúsinu árið 2017 fyrir að senda stúlku undir lögaldri typpamyndir. Lítið hefur farið fyrir honum í seinni tíð fyrir utan umdeilt viðtal í Kastljósi í fyrra.
En í dag hefur Þórir verið við gosið, nánast frá því það hófst. Innan Facebook-hópsins Landið mitt Ísland deilir hann bæði áhyggjum sínum og stórfenglegum myndum af gosinu.
Hann segir útlitið slæmt við gosið því þar sé fjöldi fólks, gegn meðmælum Almannavarna. Þórir óttast það verst í nótt, því margir eru mjög illa búnir. Ólíkt honum.
„Klukkutíma gamalt eldgos. Ég var með þeim allra fyrstu á svæðið, alla vega af þeim sem fóru fótgangandi. Tek það fram að ég þekki svæðið eins og handarbakið á mér og var vel búinn, með vindinn í bakið og með vatn og nesti,“ segir Þórir og birtir myndband af gosinu.
Hann segir það ekkert grín að fara á gosstað. „Ég er hræddur um að fólk fari sér að voða í kvöld og nótt, ég mætti fullt af illa útbúnu fólki á leið niður af fjallinu. Þetta er talsvert lengra og erfiðara yfirferðar en gosið í fyrra. Farið varlega og gleðilegt gos!“
m stingur hann svo upp á nafni á því sem gosið mun gefa af sér. „Ps. Mér finnst að þetta nýja svæði/gígur/eldfjall eigi að heita Freyja, eða Agla.“