Björn Teitsson kemur með afar áhugaverðan punkt varðandi samgöngumál Reykjavíkurborgar.
Björn Teitsson, sérfræðingur hjá Skipulagsstofnun og fyrrverandi blaðamaður skrifaði áhugaverða færslu á samfélagsmiðlinum X. Þar birti hann ljósmynd af sporvagni í rúmensku borginni Brăila, og vekur athygli á að íbúafjöldi borgarinnar sé svipaður og í Reykjavík og að meðalhitinn yfir vetrarmánuðina sá sami. „Þess má einnig geta að Rúmenía er eitt fátækasta land Evrópu en samt er þetta nú hægt.“
Arnar nokkur Sigurðsson skrifaði athugasemd og er nokkuð meinhæðinn: „Byggt 1886! Athyglisvert að það skuli ekki vera einn einasti farþegi í sporvagninum. En ef taka á stöðu í fortíðartækni, af hverju ekki bara að fara alla leið aftur til hestvagnanna?“
Þessu svaraði Björn fimlega: „alandi um gamla ferðamáta. Kannski að hætta að labba líka, of gamaldags? Eða drekka vín, fólk búið að gera það um þúsundir ára. Stígum aðeins í raunveruleikann. Þú veist betur. Allar bestu, framsæknustu og eftirsóttustu borgir heims bjóða upp á hágæðaalmenningssamgöngur.“
Tram-lína í Brăila í austurhluta Rúmeníu, íbúafjöldi um 150.000 eða svipað og í Reykjavík. Þess má geta að meðalhiti þar um hávetur er einnig svipaður (des 0,0, jan -1,6 og feb 0,6 °C). Þess má einnig geta að Rúmenía er eitt fátækasta land Evrópu en samt er þetta nú hægt. pic.twitter.com/0JrgiAaYJE
— Björn Teitsson (@bjornteits) November 7, 2023