Jón Ásgeir kostar bók um sjálfan sig – Einar Kárason brást ókvæða við spurningu um leiguskrif

Efnisorð

Deila

- Auglýsing -

Einar Kárason rithöfundur brást ókvæða við spurningum Mannlífs um kostun Jóns Ásgeirs Jóhannessonar athafnamanns á bókinni Málsvörn og því hvort slík kostun gæti litað efni bókarinnar. Einar skrifaði bókina sem uppgjörsbók þess síðarnefnda á litríkum viðskiptaferli. Aðspurður hvort Einar hafi fengið greitt fyrir vinnu sína frá Jóni Ásgeiri hafði rithöfundurinn þetta að segja:

„Eh, þetta er bara samvinnuverkefni þriggja aðila og er bara svona okkar í milli. Það var bara tryggt að allir fengju sitt. Það er svoleiðis með vinnu að það er reynt að sjá til þess að menn hafi í sig og á meðan þeir vinna hana,“ segir Einar sem í kjölfarið furðaði sig á spurningum Mannlífs:

„Af hverju ertu að velta því fyrir þér? Ég réði algjörlega því sem ég skrifa. Hver kostar Mannlíf? Ert þú þá á mála hjá þeim og litar það þá ekki þín skrif? Þetta finnst mér undarleg yfirheyrsla um að ég sé einhver leigupenni.“

Viðskiptajöfurinn Jón Ásgeir er nú í upprisu eftir að hafa verið úthrópaður um árabil sem  útrásarvíkingur og spilltur í viðskiptum. Mannlíf fékk það staðfest hjá Forlagi bókaútgáfu að Jón Ásgeir kom að kostun bókarinnar. Með hvaða hætti sú kostun er fékkst hins vegar ekki uppgefið. Samkvæmt heimildum Mannlífs hafa aðeins æðstu stjórnendur bókaútgáfunnar komið nærri verkefninu.

Einar hefur áður tekið að sér að skrifa um viðskiptajöfra með vafasama fortíð því hann skrifaði sögu Jóns Ólafssonar, fyrrverandi eiganda Skífunnar og Norðurljósa.

Nokkur eintök bókarinnar hafa ratað á valda fjölmiðla. Þannig vitnaði Viðskiptablaðið í bókina í morgun og sagði frá því að Gunnar Smári egilsson hefði ekki nennt til Kaupmannahafnar nema í einkaþotu. Vitnað er til Jóns Ásgeirs Jóhannessonar. Mannlíf óskaði eftir því við framkvæmdastjóra og kynningarstjóra Forlagsins að fá eintak til umfjöllunar en því hefur enn ekki verið svarað. Viðtal er við Jón Ásgeir í Kveik á RÚV í kvöld.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -