Kristjana fór alltof snemma: „Elsku Sissa, ég kveð þig með ást og söknuði“

Efnisorð

Deila

- Auglýsing -

Kristjana Þuríður Jónsdóttir var ekki nema 59 ára gömul þegar hún lést á heimili sínu 6. febrúar síðastlðinn. Þá hafði hún háð hetjulega baráttu við lífhimnukrabbamein síðasta árið. Hún lætur eftir sig eina dóttur.

Kristjana, eða Sissa eins og hún var oftast kölluð fæddist í Hafnarfirði 16. mars 1961. Hún vann í fiskvinnu í Bæjarútgerð Hafnarfjarðar sem unglingur auk þess sem hún var í sveit eitt sumar.

Sem ung kona vann hún nokkur ár á Skattstofunni í Hafnarfirði og síðar á fasteignasölunni Kjörbýli í Kópavogi þar sem hún vann til ársins 2000. Eftir það vann Kristjana hjá Hagkaupum til ársins 2018, fyrst í Smáratorgi og síðar Smáralind en fluttist svo yfir í Hagkaup í Garðabæ þar sem hún var aðstoðarverslunarstjóri þar til hún ákvað að kominn væri tími á breytingar og að huga að eigin heilsu og hamingju.

Soffía minnist góðrar vinkonu sinnar í minningargrein í Morgunblaðinu í dag. Hún kemur meðal annars inn á hæfileika vinkonu sinnar í golfíþróttinni. „Kær vinkona er fallin frá. Við brölluðum margt saman í gegnum árin og eitt er víst að manni leiddist aldrei þegar Sissa var með í för. Sissa var bara 18 ára þegar hún eignaðist sólskinsgeislann sinn hana Hönnu Jónu. Maður myndi ætla að við hefðum átt að vitkast mikið við þennan áfanga en þegar árin liðu var barnið oft að siða okkur til og segja okkur að hætta þessum fíflalátum,“ segir Soffía og heldur áfram:

„Sissa tók örlögum sínum af mikilli yfirvegun. Í einu af síðustu samtölum sem við áttum sagðist Sissa hafa átt dásamlegt líf, hún væri sátt við allt og alla og sæi ekki eftir neinu,“ bætir Soffía við og endar fallega kveðju sína á þessum orðum:

„Elsku Sissa, ég kveð þig með ást og söknuði.“

Kristjana var jarðsungin í dag frá Grafarvogskirkju.

Deila

Athugasemdir

Athugasemdir eru á ábyrgð þeirra sem þær skrá. Mannlíf áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.
 
- Auglýsing -

Orðrómur

Helgarviðtalið

Lestu meira

Nýtt í dag

Í fréttum er þetta helst...

Mest lesið í vikunni

- Auglýsing -